الجمعة، 1 أغسطس 2014
مدونة "الثورة نيوز - عاجل": بقلم ياسين العياري - أقسمت أن لا أستغرب شيئا في هذا الوطن، لكن ما أراه هنا و هناك، يرغمني على التعجب.
سأحدثكم عن شخص و رجل.
الشخص خامج، إغتصب بنات مرؤوسيه، الهندسة العسكرية تبنيلو دارو، سارق و مسيرته المهنية مشينة، إختصاصه (مدفعية) لا يسمح له بقيادة الأركان، تستر على القناصة، ضغط و تدخل في القضاء، في عهده دخل السلاح لتونس و خذا عمولات على تدخيل السلاح القطري لليبيا، يعمل في السياسة و يقهوج مع رجال السياسة.
فات عمر التقاعد بأربعة سنين، و رغم كل الفشل كبش في المنصب بيديه و ساقيه.
رفض المرزوقي أن يمددله عام آخر، لخمجه و إنعدام كفائته و دخوله السياسة و تجاوزه كل تمديد ممكن يسمح بيه القانون.
عمل فيلم و قال شنوة إستقال و مشى للتلفزة بالكسوة (تقول في مهمة رسمية) ينفخ في روحو، يعمل في السياسة ، و ضارب عرض الحيط واجب التحفظ.
توة خلي نحكيلكم على رجل : ولد أحد أسلحة الحسم (أسلحة الحسم هي المشاة و المدرعات)، من أكفأ ما خرجت الأكادمية العسكرية، منضبط، متواضع، يشهد له العدو قبل الصديق إنه نظيف.
يوم خير بين موت جنوده أو عملان السياسة.
يوم خير بين التمسك بالمنصب أو دماء أولاد الحفيانة.
خرج بصمت، دون ضجيج، دون تفليم، إحتراما للمؤسسة و القانون و الشرف العسكري، رغم إنه لو تكلم، لقلبت الدنيا و ما قعدت.
باهي، ماهو العجب العجاب..
هو عقلية الضراير! المضاددة الأوتوماتيكية البافلوفية.
مادام المرزوقي رفض التمديد لرشيد عمار، ولا بالعسل : إعلاميين، نقابيين، مثقفين، صحافيين : تناشد و تلحس و تلحلح.
نفس الزمرة هي بيدها.
بما أنه المرزوقي رفض إستقالة الحامدي، ولا بيه و عليه!
المشكل إنهم برشة، السياسة، الوطن، الجيش، الدولة تنحصر عندهم في : أنا ضد أضاكا و أكاهو!
توة ولات لموضة أخرى مدام ولد العياري قال باهي، و إقترح وقفة ضد تسييس الجيش، و ولد العياري ضد الإنقلاب و جماعة الماضي الكريه. أحنا إمالة ضد أضاكا!
أعملو دورة على الفايسبوك و شيخو ضحك!
هل ألوم بورقيبة و بن علي، المسعدي و الشرفي على مدرسة التغمير و الحفظ و غياب النقد.
هل ألوم الثورة لأنها لم تلق سحرة فرعون في السعودية مع فرعون.
هل ألوم بهايم الحقد و العمى الإديولوجي، إلي آخر همهم الوطن، تي آخر همهم حتى مصلحتهم، المهم شر خصمهم و إن كان الثمن الوطن..
لا هذوكم لن ألومهم..هذوكم قي قلوبهم مرض فزادهم الله مرضا : هم كلاب بافلوف أو أقل شئنا.
لن يتوقف الجيش على رجل، لكن ما دامت أسباب إستقالته لم تعالج، حنبعل بيدو لن يقدر على قيادة الجيش.
أما نخب المضاددة، كلاب بافلوف، فلا ينفع العقار في ما أفسده الدهر.
صباح الخير سي الصحبي الجويني.
صباح الخير سي الأزهر العكرمي محاميه.
صباح النور سي وزير الدفاع، و إدارة الأمن العسكري.
أحلى صباح لسي الفطناسي و القضاء العسكري..
فليرحمنا رب السماء، ما دمنا غير قادرين على رحمة أرضنا بقبضاتنا.
سأحدثكم عن شخص و رجل.
الشخص خامج، إغتصب بنات مرؤوسيه، الهندسة العسكرية تبنيلو دارو، سارق و مسيرته المهنية مشينة، إختصاصه (مدفعية) لا يسمح له بقيادة الأركان، تستر على القناصة، ضغط و تدخل في القضاء، في عهده دخل السلاح لتونس و خذا عمولات على تدخيل السلاح القطري لليبيا، يعمل في السياسة و يقهوج مع رجال السياسة.
فات عمر التقاعد بأربعة سنين، و رغم كل الفشل كبش في المنصب بيديه و ساقيه.
رفض المرزوقي أن يمددله عام آخر، لخمجه و إنعدام كفائته و دخوله السياسة و تجاوزه كل تمديد ممكن يسمح بيه القانون.
عمل فيلم و قال شنوة إستقال و مشى للتلفزة بالكسوة (تقول في مهمة رسمية) ينفخ في روحو، يعمل في السياسة ، و ضارب عرض الحيط واجب التحفظ.
توة خلي نحكيلكم على رجل : ولد أحد أسلحة الحسم (أسلحة الحسم هي المشاة و المدرعات)، من أكفأ ما خرجت الأكادمية العسكرية، منضبط، متواضع، يشهد له العدو قبل الصديق إنه نظيف.
يوم خير بين موت جنوده أو عملان السياسة.
يوم خير بين التمسك بالمنصب أو دماء أولاد الحفيانة.
خرج بصمت، دون ضجيج، دون تفليم، إحتراما للمؤسسة و القانون و الشرف العسكري، رغم إنه لو تكلم، لقلبت الدنيا و ما قعدت.
باهي، ماهو العجب العجاب..
هو عقلية الضراير! المضاددة الأوتوماتيكية البافلوفية.
مادام المرزوقي رفض التمديد لرشيد عمار، ولا بالعسل : إعلاميين، نقابيين، مثقفين، صحافيين : تناشد و تلحس و تلحلح.
نفس الزمرة هي بيدها.
بما أنه المرزوقي رفض إستقالة الحامدي، ولا بيه و عليه!
المشكل إنهم برشة، السياسة، الوطن، الجيش، الدولة تنحصر عندهم في : أنا ضد أضاكا و أكاهو!
توة ولات لموضة أخرى مدام ولد العياري قال باهي، و إقترح وقفة ضد تسييس الجيش، و ولد العياري ضد الإنقلاب و جماعة الماضي الكريه. أحنا إمالة ضد أضاكا!
أعملو دورة على الفايسبوك و شيخو ضحك!
هل ألوم بورقيبة و بن علي، المسعدي و الشرفي على مدرسة التغمير و الحفظ و غياب النقد.
هل ألوم الثورة لأنها لم تلق سحرة فرعون في السعودية مع فرعون.
هل ألوم بهايم الحقد و العمى الإديولوجي، إلي آخر همهم الوطن، تي آخر همهم حتى مصلحتهم، المهم شر خصمهم و إن كان الثمن الوطن..
لا هذوكم لن ألومهم..هذوكم قي قلوبهم مرض فزادهم الله مرضا : هم كلاب بافلوف أو أقل شئنا.
لن يتوقف الجيش على رجل، لكن ما دامت أسباب إستقالته لم تعالج، حنبعل بيدو لن يقدر على قيادة الجيش.
أما نخب المضاددة، كلاب بافلوف، فلا ينفع العقار في ما أفسده الدهر.
صباح الخير سي الصحبي الجويني.
صباح الخير سي الأزهر العكرمي محاميه.
صباح النور سي وزير الدفاع، و إدارة الأمن العسكري.
أحلى صباح لسي الفطناسي و القضاء العسكري..
فليرحمنا رب السماء، ما دمنا غير قادرين على رحمة أرضنا بقبضاتنا.
إرسال تعليق